 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Na raskopie ŭvaskres archieołah,
Akularami ŭ soncy źziaŭ.
Ad piasku nie śpiašaŭsia choład –
Śviedka ŭsich dałakopnych źjaŭ.
Uzdymałisia na pavierchniu
Znaki pobytu i byćcia.
Stul vysoka siahnuła viernaść,
Nie siahaje kudy bacian.
I piačatka z byłoj absady
Paźbirała ciapło ad ruk,
A žaŭruk chvalavańnia padaŭ
Až na vilenski ściužny bruk.
Mastaŭlanskaje ściežki ručajka
Vytykałasia ŭ toj suvoj,
Što z kryvioju moh zaručacca,
Ściaham zbycca nad hałavoj.
Jakušoŭski praściah uzhori
Na zialonych viatrach hajdaŭ.
Pomstva tut vyrastała z hora,
I z kasoju na šlach – hajda.
Dzieś pad samym puščanskim sercam
Kasinierski łancuh zastyh.
Naš pačatak ad toje śmierci,
Dumki našy pachodziać z tych.
...Pieratomleny, jak raskolnik,
Dumny vobłak pad niebam bryŭ.
Na buntoŭnym stajaŭ raskopie
Ź cichaj mudraściu Janka Bryl.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
